عشق دی حب تے رکھ لئی بندیا
عشق دی سمجھی بات مکمل؟
عشق دے تن وچ تین حرف نیں
حرفاں وچ کردار مکمل
ع ؛؛ عبادت
ق؛؛ قلندر
ش توں اے شہباز مکمل
عشق علی اے
عشق سخی اے
عشق اے داتا
عشق ولی اے
عشق زلیخا
عشق اے یوسف
عشق دے وچ دن رات مکمل
عشق اے صحرا
عشق سمندر
عشق اے تیرے من دے اندر
عشق دی لو جے لگ جاوے تے؟
جیت مکمل
مات مکمل
عشق مجازی
عشق حقیقی
عشق فقیری
عشق ضئیفی
عشق جنوں اے
عشق سکوں اے
عشق تخئیل
عشق تغیر
عشق فناء اے
عشق بقاء اے
عشق خدا اے
عشق دی راہ وچ سارا پانی
عشق دی لو جے لگ جاوے تے
ھو جاندی اے ذات مکمل