اوکھے پینڈے لمیاں نی راہواں عشق دیاں
درد جگر سخت سزاواں عشق دیاں
پھلاں ورگی جندڑی عشق رُلا چھڈدا
سرِ بازار چاہوے عشق نچا چھڈ دا
ککھ نہ چھڈے دیکھ وفاواں عشق دیاں
اوکھے پینڈے لمیاں راہوں عشق دیاں
سجناں باہجوں ذات صفاتاں عشق دیاں
وکھری کُلی دن تے راتاں عشق دیا
ہین چودہ طبقاں اندر تھاواں عشق دیاں
اوکھے پینڈے لمیاں راہوں عشق دیاں
ہر ہر دل ہر تھاں وچ عشق سمایا اے
عرش فرش تے عشق نے قدم ٹکایا اے
عین باطل عین الحق صداواں عشق دیاں
اوکھے پینڈے لمیاں راہواں عشق دیاں
عشق دی ہستی مستی یار مٹا دیوے
اگ ایہہ عشق دی دل دی دوہی جلا دیوے
بلھےؔ وانگ نچاو ن تاراں عشق دیاں
اوکھے پینڈے لمیاں راہواں عشق دیاں