ﮐﯿﺎ ﺩﻝ ﻣﺮﺍ ﻧﮩﯿﮟ ﺗﮭﺎ ﺗﻤﮩﺎﺭﺍ، ﺟﻮﺍﺏ ﺩﻭ !
ﺑﺮﺑﺎﺩ ﮐﯿﻮﮞ ﮐﯿﺎ ﮨﮯ؟ ﺧﺪﺍﺭﺍ ﺟﻮﺍﺏ ﺩﻭ !

ﮐﯿﺎ ﺗﻢ ﻧﮩﯿﮟ ﮨﻤﺎﺭﺍ ﺳﮩﺎﺭﺍ، ﺟﻮﺍﺏ ﺩﻭ !
ﺁﻧﮑﮭﯿﮟ ﻣﻼﺅ ﮨﻢ ﮐﻮ ﮨﻤﺎﺭﺍ ﺟﻮﺍﺏ ﺩﻭ !

ﮐﻞ ﺳﮯ ﻣﺮﺍﺩ ﺻﺒﺢِ ﻗﯿﺎﻣﺖ ﺳﮩﯽ، ﻣﮕﺮ
ﺍﺏ ﺗﻢ ﮐﮩﺎﮞ ﻣﻠﻮ ﮔﮯ ﺩﻭﺑﺎﺭﮦ ﺟﻮﺍﺏ ﺩﻭ !

ﭼﮩﺮﮦ ﺍﺩﺍﺱ، ﺍﺷﮏ ﺭﻭﺍﮞ، ﺩﻝ ﮨﮯ ﺑﮯ ﺳﮑﻮﮞ
ﻣﯿﺮﺍ ﻗﺼﻮﺭ ﮐﯿﺎ ﮨﮯ ﺗﻤﮩﺎﺭﺍ ﺟﻮﺍﺏ ﺩﻭ !

ﺩﯾﮑﮭﺎ ﺟﻮ ﺷﺮﻡ ﺳﺎﺭ، ﺍﻟﭧ ﺩﯼ ﺑﺴﺎﻁِ ﺷﻮﻕ
ﯾﻮﮞ ﺗﻢ ﺳﮯ ﮐﻮﺋﯽ ﺟﯿﺖ ﮐﮯ ﮨﺎﺭﺍ، ﺟﻮﺍﺏ ﺩﻭ !

ﻣﯿﮟ ﮨﻮ ﮔﯿﺎ ﺗﺒﺎﮦ ﺗﻤﮩﺎﺭﮮ ﮨﯽ ﺳﺎﻣﻨﮯ
ﮐﯿﻮﻧﮑﺮ ﮐﯿﺎ ﯾﮧ ﺗﻢ ﻧﮯ ﮔﻮﺍﺭﺍ، ﺟﻮﺍﺏ ﺩﻭ !

ﺗﻢ ﻧﺎ ﺧﺪﺍ ﺗﮭﮯ ﺍﻭﺭ ﺗﻼﻃﻢ ﺳﮯ ﺁﺷﻨﺎ
ﮐﺸﺘﯽ ﮐﻮ ﮐﯿﻮﮞ ﻣﻼ ﻧﮧ ﮐﻨﺎﺭﮦ، ﺟﻮﺍﺏ ﺩﻭ !

ﺷﺎﻡ ﺁﺋﯽ، ﺷﺐ ﮔﺰﺭ ﮔﺌﯽ، ﺁﺧﺮ ﺳﺤﺮ ﮨﻮﺋﯽ
ﺗﻢ ﻧﮯ ﮐﮩﺎﮞ ﯾﮧ ﻭﻗﺖ ﮔﺰﺍﺭﺍ، ﺟﻮﺍﺏ ﺩﻭ !

ﻟﻮ ﺗﻢ ﮐﻮ ﺑﻼﻧﮯ ﻟﮕﮯ ﮨﯿﮟ ﻧﺼﯿﺮ ﻭﮦ
ﺑﻮﻟﻮ ﺍﺭﺍﺩﮦ ﮐﯿﺎ ﮨﮯ ﺗﻤﮩﺎﺭﺍ، ﺟﻮﺍﺏ ﺩﻭ

 سید نصیر الدین نصیر گیلانی